المنافسة بين شركات المحمول الأربعة في مصر بتزداد قوة سنة عن اللي قبلها، كل شركة بتحاول تقدم لعملائها أفضل تغطية وعروض كل فترة، وبتهتم بكل التفاصيل زي توفير أفضل خدمة عملاء لحل مشاكل المستخدمين، والإستمرار في تقديم مميزات تخليك كمستخدم تفضلها عن باقى الشبكات المتاحة في السوق المصرى.

لكن من هى أفضل شبكة موبايل بتقدم خدمات للمستهلك المصرى؟، في المقالة دي هنشارك معاك معلومات بُنائاً على إحصائيات الجهاز القومى المصرى لتنظيم الإتصالات عن ترتيب أفضل شبكات المحمول في مصر، والأهم بُنائاً على خبرتنا والأفضل بالنسبالك أنت.

المعايير التي أعتمد عليها الجهاز المصري القومي لتنظيم الإتصالات 

أعتمد الجهاز القومي لتنظيم الإتصالات على معايير مختلفة لتقييم أداء خدمات شبكات المحمول في مصر وهم:

1- معايير جودة خدمات الصوت

وهنا بيتم القياس بإستخدام 4 معايير مختلفة، ومنهم على سبيل المثال: (مؤشر جودة صوت المكالمة) واللي من خلاله الجهاز القومي بيعرف درجة نقاء صوت المكالمة في كل شبكة خلال فترات محددة، والتقرير بينزل بشكل دوري كل 3 شهور. 

2- معايير جودة خدمات نقل البيانات (الإنترنت)

وفي الحالة دي الجهاز القومى بيعتمد على معيارين فقط، وهما سرعة تحميل البيانات ( سرعة التحميل / Download اللي بتوفرهالك الشبكة )، وسرعة رفع البيانات ( السرعة اللي من بتوفرهالك الشبكة عشان تقدر ترفع الملفات والبيانات اللي أنت محتاجها ).

وإليك الأفضل بالأرقام :

• أفضل شبكة تقدم جودة مؤشرات خدمات الصوت: فودافون ثم شبكة إتصالات.
• أفضل شبكة تقدم جودة نقل البيانات (الإنترنت): إتصالات ثم شبكة وي.

توضيح مهم: الأرقام متغيرة في كل معيار يعني ممكن تلاقي شبكة فودافون أفضل في جودة الصوت، وشبكة وي أفضل في جودة نقل البيانات.

لكن ما هو المؤشر الأهم؟ 

أنت المستخدم.

لأن ممكن تلاقي في صعيد مصر شبكة أفضل من شبكة، وفي القاهرة والدلتا الشبكة الاَخرى هى الأفضل، عشان كدة مهم تشوف أنت أفضل تغطية في منطقتك والأماكن اللي بتردد عليها زي الشغل والبيت، وبُنائاً على تغطية الشبكة وجودة الصوت والإنترنت تقرر تشتري خطك.

تقدر تشوف إحصائيات وأرقام الجهاز القومي للإتصالات عن تقرير قياسات جودة خدمة شبكات المحمول الأربع من خلال الرابط ده.

الخاتمة

دي كانت كل المعلومات عن ترتيب أفضل شبكات المحمول في مصر

حابين نعرف منك : 

إيه هى أفضل شبكة بالنسبالك بترشحها لكل الناس ؟

والأسباب اللي بتخليك تفضل الشبكة دي عن غيرها ؟

شاركنا إجابتك في التعليقات