فودافون
اورنج
اتصالات
وي We

هدايا رجالي: 21 فكرة [جديدة] ومبهرة لعام 2021

settings_input_antenna عام
هدايا رجالي مبهرة وغير تقليدية في 2021

بتدوري على أفكار هدايا رجالي مميزة وغير تقليدية؟

بس المشكلة الأفكار كلها شبه بعض و مفيهاش جديد. 

في المقالة دي هنقولك على 6 أفكار قيمة وبنوعدك إنك أول مرة تسمعي عنها.

..إلى التفاصيل:
 

السر وراء إختيار هدايا رجالي مبهرة

سر إختيار هدايا رجالي مبهرة أو هدايا مميزة وغير تقليدية بشكل عام هو قيمة الهدية المعنوية، والتأثير اللي هتسيبه الهدية على الشخص اللي هتشتريهاله، يعني اسألي نفسك إيه السبب اللي خلاكي تختاري الهدية دي بالذات.

وتفتكري إيه هو الأحساس اللي هيوصله منها.

واللي لازم يكون إحساس إيجابي زي إنك مركزة مع التفاصيل والحاجات اللي شريك حياتك بيحبها. 

أو اهتمامك بتوثيق ذكرى مميزة بطريقة عمرها ما هتتنسي، الأساس في إختيار الهدية عشان تكون مبهرة مش الهدية نفسها، الأساس هو السبب وراء إختيارها الهدية دي بالذات.

وده اللي هنحاول نوضحه في الأفكار اللي جايه.

 

هدية أو فيديو من حد مشهور 

كل إنسان عنده شخص بيحبه ممكن يكون:

  • فنان
  • لاعب كرة
  • مفكر
  • داعية
  • مؤلف

ودايماً بيتكلم عنه ومتأثر بيه، في أكتر من فكرة توصلي بيها للي بتحبيه تقديرك للشخصية المشهورة اللي هو معجب بيها.

3 أفكار لهدايا تذكارية للشخص اللي بيحبه:
 

  1. تشتريله بوستر فيه الشخص اللي بيحبه زي البوستر ده لمحمد صلاح.
  2. تشتري كتاب كتبه الشخصية اللي هو بيحبها.
  3. تطلبي فيديو يتعمله مخصوص من الشخص اللي بيحبه.

وتقدري تعملي ده وتتواصلي مع مشاهير كتير و تخليهم يعملوا فيديو تهنئة لأي مناسبة عايزاها أو حتى يعملوا متابعة لأي أكونت إنستجرام عايزاه، عن طريق موقع Starzly. 

وفي كتير من المشاهير زي الفنان وائل جسار.

 

أو موقع Minly، اللي عليه كتير من المشاهير العرب و الأجانب وتختاري منهم اللي يعجبك.
 

زي الفنان تامر حسني:

 

كل اللي عليكي تتواصلي مع الفنان اللي تختاريه وتبلغيه الرسالة اللي عايزه توصليها للشخص اللي بتحبيه.

 

تذكار من بلد بيحبها

لو في بلد معينة شريك حياتك أو أخوكي بيحبها، دي هتبقى مفتاح تاني فكرة هدية تقدري تجيبيهاله. 

ممكن يكون بيحب البلد دي عشان بيشجع فريق كرة معين موجود فيها، أو ممكن معجب باللغة بتاعتها وبيحب ثقافة البلد بشكل عام.

أياً كان إيه هو السبب اللي بيحب البلد دي عشانه، أول ما تعرفيه تقدري تشتري تذكار (سوفنير) بسيط اونلاين من هناك، أو تعزميه على مكان بيعيشه أجواء وثقافة البلد.

الهدية دي هتخليه مبهور لأنها برة الصندوق وصعب جداً حد يفكر فيها.

أفكار لهدايا تذكارية من 5 بلاد مختلفة:

ملحوظة: المهم تكون الهدية ليها علاقة بالبلد اللي بيحبها، وحاجة تخليه فخور إنك مركزة مع التفاصيل اللي بتخليه مبسوط.
 

قطعة ديكور مميزة 

الأهتمام بالتفاصيل دايماً بيكسب القلب، تقدري تختاري قطعة ديكور مميزة تزين وتكمل بيت خطيبك أو أخوكي ويشوفها كل يوم الصبح ويفتكرك بيها. 

الجميل في الفكرة دي هو إنك بتسيبي للشخص تفصيلة لطيفة يشوفها طول الوقت قدام عينيه.
 

 

واللي ممكن تكون زهور ونباتات صناعية من ايكيا وبتسيب مظهر جمالي شكله حلو وبتفضل بنفس حالتها حتى لو عدى سنين، أو تشتري مناظر جميلة جاهزة للتعليق على طول على الحيطان في أي مكان في البيت وبتسيب شكل جمالي رائع.

 

رسمة بورتريه إحترافية

إزاي أنتي شايفة الشخص حلو في عينك، هى دي فكرة الهدية رسمة بورتريه مبينه الملامح بشكل حلو جداً ومعمولة بدقه ومستوى إحترافي هتبقى فكرة هدية متتنسيش.
 

إطارات صور (تجمعوا فيها صوركم)

توثيق اللحظات بالصور من أحلى الحاجات اللي ممكن تفكر حد بالوقت اللطيف اللي قضيته معاه، تقدري تشتري رفوف لعرض صوركم مع بعض من ايكيا شكلها لطيف عشان تزين الصور.

 

أو إطارات صور حائط تجمعي فيها أكتر من صورة مع بعض وتتعلق على الحيطة كأنها معرض من الصور وتفضل ذكرى موجوده قدام عينه طول الوقت.

 

خط موبايل VIP من موقع أرقام مميزة

من أحلى الهدايا الرجالي اللي تقدري تشتريها هى رقم موبايل VIP.

لأن الأرقام المميزة بتسيب إنطباع عام للناس إن الشخص مهم ومميز.

وتقدري تشتري:
 

  • خطوط موبايل مميزة لكل الشبكات.

 

 

  • خطوط موبايل VIP لكل الشبكات.
  • خطوط بنفس الأرقام للـ Couples.

 

 

ده غير إنها ممكن تبقى هدية عملية جداً لو شريك حياتك:

  • دكتور.
  • مهندس.
  • محامي.
  • تاجر.
  • راجل أعمال.
  • وغيرهم من الوظائف!.

لأن الوظائف دي بتعتمد على التواصل مع الناس فا لازم يكون الانطباع الأولي يدل على التميز والفخامة.
 

15 فكرة هدايا رجالي إضافية 

..في أفكار هدايا رجالي إضافية لطيفة وتنفع مفاجأة من غير مناسبة:

  • حذاء كلاسيك.
  • حذاء رياضي.
  • قميص.
  • نضارة.
  • ساعة كلاسيك.
  • ساعة ذكية (Smart Watch).

 

 

  • ماكينة حلاقة.
  • خاتم فضة.
  • عطر ماركة عالمية.
  • محفظة جلد طبيعي.
  • مج حراري.
  • شنطة رجالي.
  • كاميرا تصوير.
  • موبايل.
  • ماكينة قهوة.

 

الخاتمة

دي كانت 6 أفكار هدايا رجالي مبهرة و برة الصندوق.

دلوقتي دورك تقوليلنا إختيارك:

هل هتشتري تذكار من بلد بيحبها؟.

ولا هتطلبي من حد مشهور يسجل فيديو عشان عيد ميلاده؟.

شاركينا في التعليقات إيه هى أكتر فكرة عجبتك.